إذا أخذنا مثال سياسي مجازي، مطعم صاحبه اسمه أحمد، مثلاً طبعاً.
صار وبهل مطعم تم تقديم طبق وانوجد بهل طبق صرصور كبير.
أحمد، كونه صاحب المطعم ورب العمل هو المسؤول، مو العامل بالمطبخ أو النادل. يعني ما في شي أسمو أخطاء فردية على المستوى السياسي.
أحمد لازم تصير معو مساءلة ويمكن ملاحقة. لازم يتوضح الأمر إذا كان الخطأ عرضي أو خطأ مسلتلزم، لأنه بالنهاية هل خطأ ناتج عن التنظيم، هل تنظيم يلي أخد مسؤوليته أحمد.
لازم انتابع الخطوات والتغييرات لحتى هل غلط ما يعود ممكن ولحتى الملاحقة تصير على مستوى أعلى بالمرات الجاية.
لازم انتابع التصريحات والأفعال والنتائج لهل أحمد ونقدرها مقارنة بالحقيقة على الأرض ومع تصريحات وأفعال غيره.
بس في بعض الناس بتقلك : طبعاً فيه صرصور لأنه أحمد شخص سيئ بطبيعته وطبعه ومنبته، وشو ما استلم أحمد ما ممكن إلا يطلعلك معو صراصير.
هاد الحكي مو سياسة، لأنه إذا كان السوء شيء متأصل بالإنسان، مين بيكون الحكم لحتى يقدر يشوف بأشعة اكس داخل الجسم والعقل ويحكم على هاد الشخص هل يحق له المسؤولية أم لا ؟