بمعنى آخر سياسة الجكارة
أو أبسط ، انتصارات عَلّمنا عليهم
ولحتى انفهم مظبوط، أكبر مثال بيحضرني على شو هو الإنتصار بالرمزيات هي مثلا تحويل الرئيس اردوغان الكنيسة / المتحف أية صوفيا بإسطنبول لجامع. هاد القرار ما فاد انسان بشري، ما غير شي بالحياة اليومية لولا نص مواطن بس تم الإحتفال به متل نصر مؤزر بداخل و خارج تركيا.
شي بيقربو إفتتاح مسارات خاصة بالدراجات من قبل بشار الأسد بقلب دمشق حوالي ال-٢٠٢٠ ... يعني شو هل أكل خ**، شو بفيد غير انك تجاكر !
وما حدا يفكر إنه محصورة هي القصص على منطقتنا الجميلة، بأغلب العالم هاد الشي موجود، خاصة بطغيان النيو ليبرالية يلي واصلة لمرحلة الأزمة الدائمة، أنا بعرف فرنسا ... صاروا مطلعين القانون الألف ضد الهجرة، كأنها بتفيد بشي أو قانون فاشل تاني ضد الحجاب والبوركيني ...
ووصول شخصيات متل بولسونارو بالبرازيل أو دوترت بالفيليبين أو مودي بالهند هو باعتمادهم الكامل على الإنتصار بالرمزيات
وأنا يلي بفتخر فيه بجماعة الحكومة الانتقالية اليوم انها مبعدة كل البعد عن هاد الموضوع
ويلي مجنني إنه فيه الهم خصوم سياسيين شكلهم ما عندهم بمخهم غير هاد الموضوع