علم الإجتماع والسياسة بيعتمد على تقسيم المجتمع إلى مجموعات متجانسة من حيث الأهداف وشروط البقاء ( النظرية ماركسية وغيرها )
بالنسبة الي فيه مجموعة محددة بمجتمعنا السوري، مالها إسم علمي، وما في عليها أبحاث ودراسات ... طبيعي هي المجموعة أنا قررت انها موجودة
مجموعة المغلوبين على امرهمهي المجموعة يلي مالها حربوقة حتى لو كانوا شوام، ما عندها حدا داعمها، ما عندها سند ثقافي إجتماعي تنفخ حالها فيه
هي المجموعة يلي بينتميلها الناس يلي آكلة كم بهل حياة ومالها كان غير الدولة والدولة كانت ماشية على قانون الغاب
الناس يلي كانت عايشة بقانون الاجارات القديمة.. وهاد الشي الوحيد يلي مخليهن على قيد الحياة
الناس يلي كانت موظفين اداريين وأخد محلهم واحد مدعوم وصاروا شوفريات تكسي
الناس يلي كانت تحول أكتر من مرة تاخد شهادة سواقة وما كان يطلعلها
كلنا منعرف مليون مثال عن هل ناس
اليوم تغيرت الدولة، ولازم الدولة تحمي
ما حدا بده يرجع البعث مع مبدء من يزرع الأرض يملكها ومن يستولي على مقر العمل يملكه
لازم يكون العقد الإجتماعي الجديد حامي لهل الناس ويكون فيه رحمة
بتسمع كم واحد من الحكومة الجديدة بيحكوا بالسوق المفتوح تقول بدهم يفلتوا ذئاب جديدة بين هل ناس