لا شيء يدعو للتفائل وأنا متفائل
مؤمن بشعبي، ببلدي
سورية الأموية
الرومانية، الأيوبية، الفاطمية، المملوكية، العثمانية
المسلمة المسيحية اليهودية
سورية الحداثة وما بعد الحداثة
تاريخ معاصر ومستقبل مستدام (هي مستدام عل موضة )
الثائر فيها وطني
لك حتى أبو محمد طلع وطني
لا شيء يدعو للتفائل وأنا متفائل
بلد مليانة مجرمين وجرائم
تاريخنا فيه صبرا وشاتيلا
وغاز سارين قتل أطفال بالأقبية
جيراننا وحوش اسرائلية وامبراطورات مجنونة
رؤساء وملوك إنجليز وامريكان
لا شيء يدعو للتفائل وأنا متفائل
كل واحد منهم يسوي مية
بس طلع مية رئيس ووزير وأمين عام
عنصرية موتورة واقليات متهمة بأنها غير وطنية
نشوة وكبوة نهايتها رصاصة بالراس
ببلد ممنوع فيها الإنتحار
لا شيء يدعو للتفائل وأنا متفائل
رجعت الكهرباء
فشفنا كرشنا طالع
شفنا شيبتنا وصلعتنا
بس رجعت الكهرباء
ورجعت سورية الأموية الأيوبية العثمانية
ام علم أخضر
بدها دستور وحكومة وجمعيات وديمقراطية وصراع ومحاكم وتصالح وسلم
بدها صحافة وادبيات من كل الأنواع
بدها دراسات موازنات واحصاءت
بدها مدارس وجامعات وجناين
بدها حبة باراسيتامول وحبة لنسيان الإكتئاب